Enver Krasniqi është rizgjidhur kryetar i Federatës së Boksit të Kosovës, ka njoftuar të shtunën shtëpia kryesore e boksit kosovar.

Siç është bërë e ditur, kjo ka ndodhur në Kuvendin e Punës dhe Zgjedhor, ku janë marrë vendime që ndërlidhen me zhvillimin e këtij sporti.

“Në këtë kuvend morën pjesë njëzet e gjashtë klube nga njëzet e shtatë të licencuara dhe po aq delegatë me të drejtë vote. Delegatët votuan për rizgjedhjen e Enver Krasniqit si kryetar të FBOXK-së, duke i dhënë atij një mandat të ri katërvjeçar. Po ashtu, u zgjodhën nënkryetarët e federatës, Sylejman Voca dhe Arben Jashari (përfaqësues i komunitetit minoritar), si dhe trembëdhjetë anëtarë të bordit, të cilët do të ushtrojnë detyrën për katër vitet e ardhshme”, ka njoftuar federata. “Gjithashtu është bërë pranimi i tri klubeve të reja në Federatë: “Dodona” nga Prishtina, “Kastrioti” nga Klina, dhe “Rahoveci” nga Rahoveci, duke e zgjeruar më tej rrjetin e boksit në vend.”/rtk